Мамлекеттик күзөт кызматынын мурунку башчысы Дамир Мусакеев суракка чакырылды

Мамлекеттик күзөт кызматынын мурунку башчысы Дамир Мусакеев бүгүн, 15-майда Аскер прокуратурасына сурак берүүгө чакырылды. Чакыруу кагазынын сүрөтүн социалдык тармакка Кундуз Жолдубаева жарыялады.

Анда Мусакеев бүгүн саат 15:00гө Аскер прокуратурасына күбө катары келиши керектиги жазылат. Кайсы иш боюнча экени азырынча белгисиз.

Эскерте кетсек, буга чейин Мамлекеттик күзөт кызматынын мурунку башчысы, экс-президент Алмазбек Атамбаевдин жан сакчысы Дамир Мусакеевге УКМК «Мыйзамсыз баюу» беренеси менен кылмыш ишин козгогон. Ошондой эле, «Кызмат абалынан кыянаттык менен пайдаланууга» айыптаган.